បុណ្យកាកបាទក្រហម

នៅប្រទេសថៃជារៀងរាល់ឆ្នាំគេតែងចាត់រៀបចំពិធីកាកបាទក្រហម ហៅជា​ភាសាថៃថា งานกาชาด (ង៉ាន កា ឆាត) និងជាអង់គ្លេសថា The Thai Red Cross ។ ប្រភពកំណើតនៃពិធីនេះទាក់ទងនឹងជម្លោះ​ដែនដិរវាង​បារាំងសៀម ឆ្នាំ ១៨៩៣ (អានបន្ថែម…) ។

​

ពិធីនេះគេច្រើនធ្វើនៅដើមឆ្នាំដោយជួនកាលគេធ្វើស្របគ្នាទៅនឹងពិធីជំនឿតាមតំបន់ ។ នៅខេត្តមហាសារខាមនាគេធ្វើពិធីនេះព្រមនឹងពិធី​ប៉ើកហ្វា (เปิกฟ้า) ដែលជាពិធីប្រចាំតំបន់ គឺនៅចុងខែមករា ដល់ដើមខែកុម្ភៈ​។ ​នាឆ្នាំនេះពិធី​ចាប់ផ្តើមតាំងតែថ្ងៃទី ២៨ មករា – ៦ កុម្ភៈ ឆ្នាំ ២០១១ ។

ទិដ្ឋភាពទូទៅនៃពិធី គឺក្រៅពីពិធីតាមជំនឿរបស់អ្នកស្រុក គេមានការ​តាំង​​លក់មុខទំនិញគ្រប់ប្រភេទ ក្នុងនោះមានមុខ​ទំនិញភូមិមួយ​ផលិត​ផល​មួយ ការប្រគុំតន្ត្រី ។ ចំណូលនៃពិធីនេះបានមកពីការហូតភាស៊ីតង់​លក់​ទំនិញ និងការលក់សំបុត្រ​ការចូលកំសាន្តក្នុងពិធី ដោយមនុស្សធំត្រូវចំណាយ ២០ បាត និងកុមារ ១៥ បាត ។