ការកំណត់ប្រគល់ហ្វាល់ប្រកួតនិងហ្វាល់គំនូរកំពុងឈានមកដល់ហើយ (ថ្ងៃទី ២០ តុលា) ។ ហេតុនេះសូមវិចិត្រករនិងសាធារណជនដែលមានកំពុងសម្អិតសម្អាងស្នាដៃគំនូររបស់ខ្លួនដើម្បីចូលរួមប្រកួត សូមមេត្តារួសរាន់ឡើង ។
អ៊ីម៉េល៖ pucangkor@gmail.com
សូមអរគុណ!
យោង៖
សេចក្តីជូនដំណឹង…ប្រការដែលដឹងតែខាងក្រៅ មិនស៊ីជម្រៅដល់ខាងក្នុង (ព្រលឹង) អាចនាំឲ្យមានការភ័ន្តច្រឡំ ។ តើនេះជាអប្សារាឬ?
…មន្ត្រីមន្ទីរវប្បធម៌មួយរូប បានពិនិត្យរូបថត រូបភាពនោះហើយ បាននិយាយថា រូបអង្គរវត្ត ដែលនៅពីក្រោយអប្សរា ពិតជាអង្គរវត្តមែនហើយ ប៉ុន្តែរូបអប្សារា មិនមែនជាកាយវិកា របស់អប្សរាខ្មែរទេ។ (អានលម្អិត CEN )
ហេតុនេះកិច្ចការទាំងពួងតម្រូវឲ្យមានអ្នកជំនាញជួយពិនិត្យនិងបង្ហាញ ។
ភ្នំពេញ៖ ក្នុងខណៈពេលដែលយុវជនខ្មែរកាន់តែច្រើនឡើងនាំគ្នាសិក្សាភាសាបរទេសនោះ អ្នកជំនាញភាសាវិទ្យាជនជាតិបរទេសមួយចំនួនបានសម្តែងក្តីព្រួយបារម្ភថា ភាសាខ្មែរអាចឈានទៅរកគ្រោះថ្នាក់នៅពេលណាមួយ។ តែលោក ច័ន្ទ សំណព្វ បណ្ឌិតអក្សសាស្ត្រខ្មែរ និងជាអនុប្រធានរាជបណ្ឌិតសភានៃព្រះរាជាណាចក្រកម្ពុជាបានពន្យល់ថា ភាសាខ្មែរមិនអាចរំលំរលាយនោះទេ។ ផ្ទុយទៅវិញ ភាសាខ្មែររឹតតែថ្កុំថ្កើងជាងមុន។ ដើម្បីជ្រាបព័ត៌មានលម្អិត សូមអញ្ជើញស្តាប់បទសម្ភាសន៍ខ្លីរវាងលោក គី សុខលីម អ្នកកាសែតនៃសារព័ត៌មានអេឡិចត្រូនិក និងលោក ច័ន្ទ សំណព្វ បណ្ឌិតអក្សរសាស្ត្រខ្មែរ និងជាអនុប្រធានរាជបណ្ឌិតសភានៃព្រះរាជាណាចក្រកម្ពុជា៕
(ប្រភព៖ ThmeyThmey, 14-09-2014)
កាលពីព្រឹកថ្ងៃទី ៥ ខែកញ្ញា ឆ្នាំ ២០១៤ ក្រុមការងារមួយក្រុមមកពីសាកលវិទ្យាល័យមហាសារខាមបានចូលជួបព្រឺទ្ធបុរសនិងសាស្ត្រាចារ្យនៃសាកលវិទ្យាល័យភូមិន្ទវិចិត្រសិល្បៈ នៅរាជធានីភ្នំពេញ ។ ជំនួបនេះធ្វើឡើងដើម្បីពង្រឹងកិច្ចសហប្រតិការរវាងសាកលវិទ្យាល័យទាំងពីរ និងដើម្បីផ្សព្វផ្សាយព័ត៌មានអំពីការប្រកួតស្នាដៃគំនូរនៃប្រទេសតំបន់ទន្លេមេគង្គ “The 3rd Contest of the Contemporary Art in the Mekong River Basin” ដល់សាធារណជនខ្មែរពិសេសអ្នកដែលមានចំណង់ចំណូលចិត្តខាងសិល្បៈគំនូរ ដែលនឹងប្រព្រឹត្តិទៅនៅបំណាច់ឆ្នាំ ២០១៤ និងដើមឆ្នាំ ២០១៥។
សូមជម្រាបថា មហាវិទ្យាល័យវិចិត្រសិល្បៈ នៃសាកលវិទ្យាល័យមហាសារខាម បានរៀបចំការប្រកួតស្នាដៃគំនូរកម្រិតអន្តរជាតិនេះពីរលើករួចមកហើយ និងបីលើករួមទាំងលើកនេះ ។ ការប្រកួតបើកទូលាយដល់មនុស្សគ្រប់វ័យ ប្រជាជនទូទៅ និងអ្នកសិក្សាតាំងពីថ្នាក់បឋមសិក្សាដល់ឧត្តមសិក្សា ។ អ្នកទាំងនោះមកពីក្នុងនិងក្រៅប្រទេស ដោយផ្តោតជាពិសេសដល់អ្នកប្រកួតមកពីប្រទេសតំបន់ទន្លេមេគង្គ បូកចិននិងកូរ៉េ ។ ប្រធានបទនៃស្នាដៃគំនូរបើកទូលាយ ពោលគឺខ្លឹមសារនៃគំនួរអាចនិយាយអំពីអ្វីក៏បាន ។ រង្វាន់ដែលបានទទួលមានតម្លៃចាប់ពី ៣០០០ បាត (ប្រមាណជិត ១០០ ដុល្លារ) ដល់ ១០០.០០០ បាត (ប្រមាណ ៣០០០ ដុល្លារ) ។
ជំហានដំបូង លោកអ្នកបំពេញពាក្យសុំប្រកួតនិងថតរួបគំនូរដែលគូររួចហើយ ជាហ្វាល់ jpg ទំហំ 2000 pixels រួចផ្ញើតាមរយៈអ៊ីមេលមកគណៈកម្មការប្រកួត មិនលើសពីថ្ងៃទី ២០ តុលា ២០១៤ ។
លោកអ្នកដែលមានចំណាប់អារម្មណ៍និងព័ត៌មានខាងលើ សូមទៅទាក់ទងសាកលវិទ្យាល័យភូមិវិចិត្រសិល្បៈ នៅរាជធានីភ្នំពេញ ឬទាក់ទងតាមរយៈ pucangkor@gmail.com ។
ទាញយកព័ត៌មានលម្អិតនិងពាក្យសុំប្រកួត ចុចត្រង់នេះ ។
វិធីទាញយកឯកសារតាមរយៈ Internet Explorer:
ក្រុមគ្រូនិងនិស្សិតមកពីសាកលវិទ្យាល័យមហាសារខាមបានមកបំពេញទស្សនៈកិច្ចសិក្សាមួយនៅរាជធានីភ្នំពេញក្រោមគម្រោងដែលមានឈ្មោះថា នគរចតុមុខសិក្សា ។គោលបំណងនៃទស្សនៈកិច្ចគឺមកសិក្សាស្វែងយល់អំពីរបៀបរបបរស់នៅ សិល្បៈ វប្បធម៌ និង ភាសារបស់អ្នកស្រុកនៅបរិវេណតំបន់ចតុមុខ (ភ្នំពេញ) ។ កម្មវិធីនៃថ្ងៃទីមួយ ពេលព្រឹកចូលស្តាប់បឋកថារៀបចំដោយរាជបណ្ឌិត្យសភាកម្ពុជា ពេលរសៀលទៅសាកលវិទ្យាល័យភូមិភ្នំពេញ ។ ថ្ងៃទីពីរ ទស្សនារម្យនីយដ្ឋានទេសចរវប្បធម៌មួយចំនួនតាមដងទន្លេក្នុងរាជធានីភ្នំពេញ ។
តាមរបៀបវារៈខាងលើ នៅថ្ងៃទី ១៣ ខែសីហា ឆ្នាំ ២០១៤ ដែលជាថ្ងៃទីមួយ ក្រុមការងារមានកិត្តិយសដោយបានទទួលការអនុញាតពីថ្នាក់ដឹកនាំរាជបណ្ឌិត្យសភាកម្ពុជា ឲ្យចូលជួប សំណេះសំណាល និងស្តាប់បឋកថាដោយអ្នកជំនាញភាសានៃរាជបណ្ឌិត្យសភាកម្ពុជា ។ ពិធីនេះបានប្រារព្ធឡើងក្រោមអធិបតីភាពលោកជំទាវសភាចារ្យប្រធានរាជបណ្ឌិត្យកម្ពុជា ។
ពេលរសៀលក្រុមការងារបានចូលស្តាប់ការសំណេះសំណាលនៅវិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ ។
វិទ្យាល័យប្រៈសាទវិទ្យាខាន (វិទ្យាគារ) ជាវិទ្យាល័យមួយស្ថិតនៅក្នុងស្រុកប្រាសាទ ខេត្តសុរិន្ទ្រ មានចម្ងាយ ៤០ គីឡូម៉ែត្រពីព្រំដែនខ្មែរថៃ ច្រកអូស្មាច់ ។ វិទ្យាល័យមានសិស្សជាងបីពាន់នាក់ និងមានគ្រូប្រមាណ ១៤០ នាក់ ក្នុងនោះមានគ្រូបរទេសចំនួន ១៤ នាក់ ។ ដោយសារសន្ទុះនៃការបណ្ដុះបណ្តាលភាសាខ្មែរនៅស្រុកថៃមានការកើនឡើងគួរឲ្យកត់សម្គាល់ វិទ្យាល័យត្រូវបានប្រគល់ភារកិច្ចពីក្រសួងអប់រំជាតិប្រទេសថៃជាទីស្នាក់ការកណ្ដាលក្នុងការមើលការខុសត្រូវលើការបង្រៀនភាសាខ្មែរនៅតំបន់ភូមិភាគឦសានប្រទេសថៃ ហៅកាត់ថា មជ្ឈមណ្ឌលភាសាខ្មែរ Khmer Language Center) ។ ដើម្បីឲ្យការបង្រៀននិងការសិក្សាការបង្រៀនប្រកបដោយស្ដង់ដារតាមគោលការក្រសួង វិទ្យាល័យបានបើកវគ្គបំពាក់បំប៉នខាងភាសាខ្មែរដល់គ្រូបង្រៀនភាសាខ្មែរទាំងជាតិថៃ និង ខ្មែរ ។
ពីថ្ងៃទី ២៥ ដល់ ២៦ ខែកក្កដា ឆ្នាំ ២០១៤ វគ្គបំពាក់បំប៉នការផលិតកម្មវិធីបង្រៀន បានធ្វើឡើង ដោយមានការចូលរួមពីលោកគ្រូអ្នកគ្រូចំនួន ២០ នាក់ មកពី ២០ សាលារៀនភូមិភាគឦសាន ។ ក្រៅពីការផ្តោតជាសំខាន់ទៅលើការផលិតកម្មវិធីសិក្សាប្រកបដោយស្តង់ដារ និងវិធីសាស្ត្របង្រៀនភាសាខ្មែរសម្រាប់ជនបរទេស សិក្ខាកាមបានទទួលការបញ្ជ្រាបអំពីសំណេរភាសាខ្មែរតាមគោលការណ៍គណៈកម្មការជាតិភាសាខ្មែរ ៖ ព្យាង្គតម្រួត ស្រៈពេញតួ និង ការប្រើពុម្ពអក្សរខ្មែរ Khmer OS Siemreap ។
នៅក្នុងកាលៈទេសៈខ្លះ ដើម្បីបើកការសន្ទនា ឬបង្ហាញការគួរសមដោយវាចា ខ្មែរយកពាក្យពីឥណ្ឌាមកប្រើជំនួស ទៅណា ធ្វើអី ញ៉ាំបាយនៅ... (ជាហេឡូខ្មែរ) ។ ទន្ទឹមនឹងន័យដូចបានពន្យល់នៅក្នុងវចនានុក្រមខ្មែរ ការប្រើពាក្យ សួស្ដី ហាក់ដូចជាមានការបែងចែកជាន់ថ្នាក់ ។ ចាស់ ៗ (មេៗ) ភាគច្រើនប្រកាន់នឹងក្មេង ដែលមក សួស្ដី គាត់ ។ ពេលសួរថា បើមិនឱ្យគ្នាគួរសមបងដោយ សួស្ដី បងចង់ឱ្យគ្នាថាម៉េចវិញ ។ គាត់ថា ក្រែងខ្មែរមានពាក្យ ជម្រាបសួស្ដិ៍ អីដែរមែនទេ ? សរុបមកដើម្បីចាស់ប្រកាន់ ក្មេង (កូនចៅ) គួរនិយាយទៅរកមនុស្សចាស់ ឬអ្នកលើ ឬក៏អ្នកដែលខ្លួនគោរព ដោយពាក្យ ជម្រាបសួស្ដិ៍ ។ ខ្ញុំយល់ថា ជម្រាបសួស្តិ៍ បែបនេះ មិនមែន ជម្រាបសួរ នោះទេ ព្រោះខ្មែរច្រើនដាក់ពាក្យ ជម្រាប នេះនៅដើមពាក្យមួយចំនួនដើម្បីបង្ហាញភាពគួរសម ឬការគោរព ដូចយ៉ាង ជម្រាបប្រសាសន៍ ជម្រាបរឭក ... ។ ប៉ុន្តែបើ ជម្រាបសួរ ប្រហែលសំដៅដល់ សូមការអនុញ្ញាតសួរ ។ ខ្ញុំសូមជម្រាបសួរលោកថា ... ។ ហេតុនេះបើជម្រាបសួរ គួរមានជម្រាបឆ្លើយ ផងដែរ ។
សាកអារម្មណ៍ភាសា៖ តើអ្នកគិតថាគួរប្រើមួយណា? ក. ជម្រាបសួស្ដិ៍លោកតា ខ. សួស្ដីលោកតា
(ជុំ ស៊ុនណាង. (២០១៤). ភាសាខ្មែរសម្រាប់ទំនាក់ទំនង. មហាសារខាម: អភិជាតិការពុម្ព)
ភ្នំពេញ ៖ មន្ត្រីស្រាវជ្រាវរបស់រាជបណ្ឌិត្យសភាកម្ពុជា និងមន្ត្រីរាជការដែលអញ្ជើញមកពីស្ថាប័នព្រឹទ្ធសភា ក្រសួងសេដ្ឋកិច្ចនិងហិរញ្ញវត្ថុ និងក្រសួងប្រៃសណីយ៍និងទូរគមនាគមន៍ចំនួន២៦នាក់បានចូលរួមក្នុងវគ្គបណ្តុះបណ្តាលស្តីពីការបង្កើតនិងការគ្រប់គ្រងគម្រោង រយៈពេល២ថ្ងៃចាប់ពីថ្ងៃទី២៦-២៧ខែ មេសាឆ្នាំ២០១៤ដែលរៀបចំឡើងដោយ វិទ្យាស្ថានខុងជឺនៃរាជបណ្ឌិត្យសភា កម្ពុជា។ (អានត…)
នាថ្ងៃទី ១៥ ខែវិច្ឆិកា ឆ្នាំ ២០១៣ នៅមហាវិទ្យាល័យអក្សរសាស្ដ្រ និង វិទ្យា-សាស្ដ្រសង្គមនៃសាកលវិទ្យាល័យមហាសារខាម សមាគមអ្នកនិពន្ធថៃ ក្រោម ការឧបត្ថមពីក្រុមហ៊ុន PCALL Co.Ltd បានធ្វើសិក្ខាសាលាមួយក្រោម ប្រធានបទ ស្វែងយល់ប្រទេសភូមិផងតាមរយៈស្នាដៃអក្សរសិល្ប៍ ។
កម្មវិធីចែកចេញជាពីររបៀបវារៈពេលព្រឹកនិងពេលរសៀល ។ ពេលព្រឹកជា ការពិភាក្សាផ្ដោតទៅលើទិដ្ឋភាពរួមនៃការសិក្សានាសម័យបច្ចុប្បន្ន និងទិស ដៅនាថ្ងៃអនាគតខាងផ្នែកនិពន្ធ ។ វាគ្មិនបួននាក់ដែលចូលរួមក្នុងកិច្ចពិភាក្សា ជាអ្នកនិពន្ធមកពីប្រទេសកម្ពុជា ឡាវ ភូមា និងថៃ ។ ទាំងបួននាក់អ្នកនិពន្ធ ដែលទទួលបានជ័យលាភីពីសមាគមពាន រង្វាន់តែង និពន្ធភូមិភាគអាស៊ីអាគ្នេយ៍ (South East Asian Writers Awards) ហៅកាត់ថា ស៊ីរ៉ៃត៍ ។ វាគ្មិនទាំងបួនរូបមាន ១. បណ្ឌិត ថាន់យ៉ា ស័ង្ខពន្ធានន្ទ (ថាន់យ៉ា សាំង ខៈ ផាន់ ថា នន់) អ្នកទទួលពានរង្វាន់ ស៊ីរ៉ៃត៍ ឆ្នាំ១៩៨៧ មកពីប្រទេសថៃ, ២. លោកសុខ ចាន់ផល មកពីប្រទេសកម្ពុជា, ៣. លោកសុខី នរសិល្ប៍ (ស៊ុឃី ណៈរ៉ៈស៊ីន) មកពីប្រទេសឡាវ ។ ទាំងពីរនាក់ទើបទទួលពានរង្វាន់ស៊ីរ៉ៃត៍ឆ្នាំ ២០១៣ នេះ និង ៤. លោក ATK មកពីប្រទេសភូមា ។ ចំណែកពេលរសៀលគឺជាការផ្លាស់ប្ដូរបទពិសោធន៍ខាងការតែងនិពន្ធរបស់ក្រុមអ្នកនិពន្ធថៃឦសាន ។
មានអ្នកចូលរួមស្ដាប់ប្រមាណបីរយនាក់ ។ អ្នកទាំងនោះជាបុគ្គលិកសិក្សាមកពីស្ថាប័នសិក្សាមួយចំនួននៃប្រទេសថៃ និងនិស្សិតដែលកំពុងសិក្សាថ្នាក់បណ្ឌិត អនុបណ្ឌិត និងបរិញ្ញាបត្រ នៅសាកលវិទ្យាល័យមហាសារខាម ។
សិក្ខាបានប្រព្រឹត្ដិពេញមួយថ្ងៃ ដោយចាប់ផ្តើមពីម៉ោងប្រាំបួនព្រឹកនិងចប់សព្វគ្រប់នៅម៉ោងប្រាំល្ងាច ។
កាលពីថ្ងៃពុធ ទី១១ ខែកញ្ញា ឆ្នាំ២០១៣ កន្លងមកនេះនៅ សាលសន្និសីទរបស់រាជបណ្ឌិត្យសភាកម្ពុជា (រ.ប.ស.ក.) មាន រៀបចំពិធីចុះកិច្ចព្រមព្រៀងស្តីពី “ការបង្កើតថ្នាក់បង្រៀន ភាសាខ្មែរ” សម្រាប់គ្រូបង្រៀនភាសាចិននៃវិទ្យាស្ថានខុងជឺ (វ.ខ.) នៃរាជបណ្ឌិត្យសភាកម្ពុជា រវាង ក្រុមប្រឹក្សាជាតិភាសា ខ្មែរ (ក.ជ.ភ.ខ.) និង វ.ខ. នៃ រ.ប.ស.ក. ក្រោមអធិបតីភាពរបស់ ឯកឧត្តមបណ្ឌិតសភាចារ្យ ព្រុំ ម៉ល់ ប្រធាន ក.ជ.ភ.ខ. និង លោកជំទាវបណ្ឌិតសភាចារ្យ ខ្លូត ធីតា ប្រធាន រ.ប.ស.ក.។
ប្រភព៖ ក្រុមប្រឹក្សាភាសាជាតិ
សៀវភៅរៀនភាសាខ្មែរ៖ ភាសាខ្មែរក្នុងជីវភាពប្រចាំថ្ងៃ ( ภาษาเขมรในชีวิตประจำวัน ) និង សន្ទនាភាសាខ្មែរ ( สนทนาภาษาเขมร ) ។
ดูรายละเอียด และ สั่งสือได้ที่ SE-ED
Kohsantepheap 
ទូរទស្សន៍ភ្នំពេញ TV3
