ជប់លៀងជូនដំណើរអ្នកសម្រេចការសិក្សា

ជាទម្លាប់នៅស្រុកនេះ នារដូវកាលទទួលសញ្ញាបត្រម្ដង ៗ​ គេចាត់ធ្វើធំ​ដុំ​ណាស់ ។ ក្រៅពីវេទិកាធំចាត់ពិធី នៅគ្រប់ផ្នែក ឬ គ្រប់មហាវិទ្យាល័យក្រោម​ឱវាទនៃសាកលវិទ្យាល័យ​តែងចាត់ពិធីការនានា ដោយតុបតែងវេទិកាប្រចាំ​ផ្នែករបស់ខ្លួនជា​ការអបអរ​សាទរចំពោះអ្នកដែលបានសម្រេចការសិក្សា ។ អ្នកប្រគល់សញ្ញាបត្រ​គឺព្រះក្សត្រ ឬ​ជា​សមាជិករាជវង្ស ។ ឆ្នាំ២០១០ នេះ​សាកលវិទ្យាល័យមហាសារខាមធ្វើពិធីចែក​សញ្ញាបត្រនៅថ្ងៃទី ២៣ ខែធ្នូ​។ និស្សិតភាសាខ្មែរនាឆ្នាំនេះ បានបញ្ចប់ការសិក្សាចំនួន ៩ នាក់ ។ ល្ងាចនេះ​ (១៩ ធ្នូ ២០១០) មានចាត់ពិធីជប់លៀងអបអរសាទរនិស្សិត​ដែល​ចប់​ទាំង​ប្រាំបួននាក់ ។ សូមបញ្ជាក់ថា នៅរៀងរាល់ឆ្នាំ សាកលវិទ្យាល័យមហា​សារខាម​ផលិតនិស្សិតទាំងបរិញ្ញាបត្រ អនុបណ្ឌិត និងបណ្ឌិត មិនទាបជាង ៥០០០ នាក់ទេ ។

​