សាកលវិទ្យាល័យមហាសារខាមបានប្រារព្ធពិធីខួបលើកទី ៤៣ នៃការបង្កើតសាកលវិទ្យាល័យ (០៩ ធ្នូ ១៩៦៧ - ០៩ ធ្នូ ២០១០) ។ នាឆ្នាំនេះ ក៏ដូចជារៀងរាល់ឆ្នាំ ការប្រារព្ធពិធីបានធ្វើឡើងចាប់តាំងពីថ្ងៃទី ១ ដល់ ៩ ធ្នូ ។ នៅរៀងរាល់រាត្រីមានការតាំងលក់ផលិតផល ការតាំងពិព័រណ៍របស់មហាវិទ្យាល័យនានាក្រោមឱវាទរបស់សាកលវិទ្យាល័យ និង ពិព័រណ៍រៀបចំដោយនិស្សិតបរទេស ដែលកំពុងរៀននៅទីនោះ ។ ថ្ងៃទី ៩ ធ្នូ ជាថ្ងៃចាត់ពិធីធំ និងជាថ្ងៃបង្ហើយ នាពេលនោះមានការចាត់កម្មវិធីពិសេស ៗ ជាច្រើន ដូចជាការតាំងបង្ហាញផលិតផល ម្ហូបអាហារទាំងរបស់និស្សិតថៃនិងនិស្សិតបរទេស ការប្រកាសប្រគល់រង្វាន់ ការប្រកួតចម្រៀងថៃច្រៀងដោយនិស្សិតបរទេស និងការសម្តែងចម្រៀងរបាំរបស់និស្សិតបរទេស ។ លទ្ធផលនៃប្រឡងបទចម្រៀង លេខមួយបានទៅនិស្សិតចិន លេខពីរបានទៅនិស្សិតខ្មែរ និងលេខបីបានទៅនិស្សិតវៀតណាម ។ ជាមួយនឹងការសម្តែងរបាំបរទេស និស្សិតខ្មែរ ដែលជានិស្សិតអាហារូបករណ៍របស់ម្ចាស់ក្សត្រីសុរិនថន បាននាំយករបាំគោះត្រឡោកមកសម្តែង ។
ចង់ឃើញគេរាំដែរ មានថតក្លីបទេ ?
ReplyDelete