ជាតិ សាសនា ព្រះមហាក្សត្រ
រាជរដ្ឋាភិបាលកម្ពុជា
លេខៈ ១៨ អនក្រ បក
អនុក្រឹត្យ
ស្ដីពី
ការបង្កើតគណៈកម្មាធិការជាតិភាសាខ្មែរ
រាជរដ្ឋាភិបាល
- បានឃើញរដ្ឋធម្មនុញ្ញនៃព្រះរាជាណាចក្រកម្ពុជា
- បានឃើញព្រះរាជក្រឹត្យលេខ នស/ រកត/០៧០៤/១២៤ ចុះថ្ងៃទី១៥ ខែកក្កដា ឆ្នាំ២០០៤ ស្ដីពីការតែងតាំងរាជរដ្ឋាភិបាលនៃព្រះរាជាណាចក្រកម្ពុជា
- បានឃើញព្រះរាជក្រមលេខ ០២/នស/៩៤ ចុះថ្ងៃទី ២០ ខែ កក្កដា ឆ្នាំ ១៩៩៤ ដែល
ប្រកាសឲ្យប្រើច្បាប់ស្ដីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី
- បានឃើញព្រះរាជក្រមលេខ នស/រកម/០១៩៦/០៩ ចុះថ្ងៃទី ៤០ ខែ មករា ឆ្នាំ ១៩៩៦ ដែល ប្រកាសឲ្យប្រើច្បាប់ ស្ដីពីការបង្កើតទីស្ដីការគណៈរដ្ឋមន្ត្រី
- បានឃើញព្រះរាជក្រឹត្យលេខ នស/ រកត/១២៩៩/២២០ ចុះថ្ងៃទី ២៧ ខែ ធ្នូ ឆ្នាំ ១៩៩៩ ស្ដីពីការបង្កើតរាជបណ្ឌិតសភាកម្ពុជា
- បានឃើញព្រះរាជក្រឹត្យលេខ នស/ រកត/០៣០៥/១១១ ចុះថ្ងៃទី ០៤ ខែ មីនា ឆ្នាំ ២០០៥ ស្ដីពីការកែសម្រួលមាត្រា៤ មាត្រា១០ មាត្រា១១ មាត្រា១២ មាត្រា១៤ មាត្រា១៧ និង មាត្រា២០ នៃព្រះរាជក្រឹត្យលេខ នស/រកត/១២៩៩/២២០ ចុះថ្ងៃទី២៧ ខែធ្នូ ឆ្នាំ១៩៩៩ ស្ដីពីការបង្កើតរាជបណ្ឌិតសភាកម្ពុជា
- យោងតាមការងារចាំបាច់របស់រាជរដ្ឋាភិបាល
សម្រេច
មាត្រា ១.
បង្កើតគណៈកម្មាធិការជាតិភាសាខ្មែរ (គ.ជ.ភ.ខ) ទទួលបន្ទុកកំណត់ឯកភាពនៃការប្រើប្រាស់ភាសាខ្មែរ ដែលមានសមាសភាពដូចតទៅ ៖
១- ឯកឧត្ដមបណ្ឌិត សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុក
ទីស្ដីការគណៈរដ្ឋមន្ត្រី ប្រធាន
២- ឯកឧត្ដមសាស្ត្រាចារ្យបណ្ឌិត ឡុង សៀម អនុប្រធានរាជបណ្ឌិតសភាកម្ពុជា
អនុប្រធានអចិន្ត្រៃយ៍
៣- ឯកឧត្ដមសាស្ត្រាចារ្យបណ្ឌិត ព្រុំ ម៉ល់ ទីប្រឹក្សាអមគណៈរដ្ឋមន្ត្រី
ទទួលបន្ទុកផ្នែកភាសាខ្មែរ អនុប្រធាន
៤- ឯកឧត្ដមសាស្ត្រាចារ្យបណ្ឌិត ស៊ុំ ឈុំប៊ុន អគ្គលេខាធិការនៃរាជបណ្ឌិតសភាកម្ពុជា
អគ្គលេខាធិការ
៥- លោកសាស្ត្រាចារ្យបណ្ឌិត អ៊ីវ ច័ន អនុប្រធានវិទ្យាស្ថានភាសាជាតិអគ្គលេខាធិការរង
៦- លោកអគ្គបណ្ឌិត ប៊ុត សាវង្ស ទីប្រឹក្សា
៧- ឯកឧត្ដមសាស្ត្រាចារ្យបណ្ឌិត ស៊ន សំណាង ប្រធានរាជបណ្ឌិតសភាកម្ពុជា
ទីប្រឹក្សា
៨- ឯកឧត្ដមសាស្ត្រាចារ្យបណ្ឌិត ឆយ យីហ៊ាង អនុប្រធានរាជបណ្ឌិតសភាកម្ពុជា
ទីប្រឹក្សា
៩- ព្រះតេជគុណ យស ហ៊ុត ប្រធានស្ដីទីសមាគមធម្មទូត និងជាប្រធាន
មូលនិធិពុទ្ធសាសនាខ្មែរ-វត្តធម្មរង្សី សមាជិក
១០- លោកជំទាវសាស្ត្រាចារ្យបណ្ឌិត ខ្លួត ធីតា អនុប្រធានរាជបណ្ឌិតសភាកម្ពុជា
សមាជិក
១១- ឯកឧត្ដមសាស្ត្រាចារ្យបណ្ឌិត រស់ ចន្ទ្រាបុត្រ អនុប្រធានរាជបណ្ឌិតសភាកម្ពុជា
សមាជិក
១២- ឯកឧត្ដមសាស្ត្រាចារ្យបណ្ឌិត ជា ណេង អនុប្រធានរាជបណ្ឌិតសភាកម្ពុជា
សមាជិក
១៣- ឯកឧត្ដមសាស្ត្រាចារ្យវេជ្ជបណ្ឌិត សំ សោភាន់ ប្រធានវិទ្យាស្ថាន ជីវសាស្ត្រ
វេជ្ជសាស្ត្រ និង កសិកម្ម សមាជិក
១៤- ឯកឧត្ដមបណ្ឌិតរដ្ឋ តិច សំណាង អគ្គលេខាធិការគណៈកម្មាធិការទទួល
ស្គាល់គុណភាពអប់រំនៃកម្ពុជា សមាជិក
១៥- លោកសាស្ត្រាចារ្យបណ្ឌិត សោម សុមុនី អនុប្រធានវិទ្យាស្ថាន មនុស្សសាស្ត្រ
និងវិទ្យាសាស្ត្រសង្គម សមាជិក
១៦- ឯកឧត្ដមបណ្ឌិត ឆយ អូន សមាជិកក្រុមសង្កេតការណ៍សេដ្ឋកិច្ច សង្គមកិច្ច និងវប្បធម៌ សមាជិក
១៧- ឯកឧត្តម ឈន អៀម រដ្ឋលេខាធិការក្រសួងធម្មការ និងកិច្ចការសាសនា សមាជិក
១៨- ឯកឧត្តម ជា ជឿន អនុរដ្ឋលេខាធិការក្រសួងធម្មការ និងកិច្ចការសាសនា សមាជិក
១៩- ឯកឧត្ដម ជា គាន អគ្គលេខាធិការរងទី ១ ក្រុមប្រក្សាជាតិ រណសិរ្សសាមគ្គី អភិវឌ្ឍន៍មាតុភូមិកម្ពុជាអគ្គលេខាធិការរង គណៈកម្មាធិការជាតិរៀបចំបុណ្យជាតិ-អន្តរជាតិ សមាជិក
២០- ឯកឧត្ដម សូ មុយឃៀង សមាជិកគណៈកម្មាធិការបណ្ឌិតសភាទទួលបន្ទុកអនុម័តពាក្យច្បាប់ សមាជិក
២១- លោកសាស្ត្រាចារ្យបណ្ឌិត សឹង ផុស សមាជិកកណៈកម្មាធិការបណ្ឌិតសភា
ទទួលបន្ទុកអនុម័តពាក្យច្បាប់ សមាជិក
២២- លោកសាស្ត្រាចារ្យបណ្ឌិត ច័ន្ទ សំណព្វ ប្រធានដេប៉ាតឺម៉ង់ភាសាវិទ្យា នៃ
សាកលវិទ្យាល័យភូមិន្ទភ្នំពេញ សមាជិក
២៣- លោកសាស្ត្រាចារ្យ មៀច ប៉ុណ្ណ ទីប្រឹក្សាអមក្រុមជំនុំទំនៀមទម្លាប់ខ្មែរនៅពុទ្ធសាសនបណ្ឌិត្យ សមាជិក
២៤- លោកសាស្ត្រាចារ្យ ប្រាក់ ព្រុំ សមាជិក
២៥- លោក មាស គាំ សមាជិក
២៦- លោក ពៅ ពិសិដ្ឋ អនុប្រធាននាយកដ្ឋានសហប្រតិបត្តិការ និងព័ត៌មាន នៃ គ.ទ.ក សមាជិក
២៧- តំណាងក្រសួងអប់រំ យុវជន និងកីឡា សមាជិក
២៨- តំណាងក្រសួងវប្បធម៌ និងវិចិត្រសិល្បៈ សមាជិក
២៩- តំណាងក្រសួងព័ត៌មាន សមាជិក
៣០- តំណាងសាកលវិទ្យាល័យភូមិន្ទភ្នំពេញ សមាជិក
៣១- តំណាងក្រសួង និងស្ថាប័ននានា សមាជិក
៣២- តំណាងសមាគមអ្នកនិពន្ធខ្មែរ សមាជិក
៣៣- តំណាងពុទ្ធសាសនបណ្ឌិត្យ សមាជិក
៣៤- លោកសាស្ត្រាចារ្យ សន ពៅ លេខាអចិន្ត្រៃយ៍នៃវិទ្យាស្ថានភាសាជាតិលេខាធិការ
៣៥- លោកសាស្ត្រាចារ្យ ជួរ គារី ប្រធានផ្នែកខេមរនីយកម្ម វចនានុក្រម និងបកប្រែនៃវិទ្យាស្ថានភាសាជាតិ លេខាធិការ
៣៦- លោកសាស្ត្រាចារ្យ ស៊ុំ ឈុំឡុង លេខាអចិន្ត្រៃយ៍នៃវិទ្យាស្ថាន មនុស្សសាស្ត្រ និងវិទ្យាសាស្ត្រសង្គម លេខាធិការ
មាត្រា ២.
គណៈកម្មាធិការជាតិភាសាខ្មែរ មានភារកិច្ចកំណត់ឯកភាពនៃភាសាខ្មែរក្នុងការសរសេរ ការអាន និយមន័យ និងការបង្កើតពាក្យ ជាពិសេសកំណត់គោលនយោបាយជាតិនៃភាសា ដើម្បីអភិវឌ្ឍន៍ភាសាខ្មែរ ឲ្យចម្រើនឡើងប្រកបដោយនិរន្តភាព និងរក្សានូវអត្តសញ្ញាណដ៏ថ្លៃថ្នូរនៃជាតិខ្មែរ ។
នីតិវិធី និងដំណើការអនុវត្តភារកិច្ចរបស់គណៈកម្មាធិការជាតិភាសាខ្មែរ ត្រូវកំណត់ដោយបទបញ្ជាផ្ទៃក្នុង ។
មាត្រា ៣.
សមាជិក និងទីប្រឹក្សានៃគណៈកម្មាធិការជាតិភាសាខ្មែរ ត្រូវចូលរួមប្រជុំតាមការអញ្ជើញរបស់ប្រធាន ។
តំណាងក្រសួងស្ថាប័ននានា ដែលទទួលការចាត់តាំងពីសាមីក្រសួង ស្ថាប័ន នឹងត្រូវអញ្ជើញឲ្យចូលរួមប្រជុំតាមការអញ្ជើញរបស់ប្រធាន ក្នុងករណីចាំបាច់ ។
គណៈកម្មាធិការនេះ ធ្វើការប្រជុំការងារបច្ចេកស័ព្ទមួយសប្ដាហ៍ម្ដង និងប្រជុំរួមប្រចាំខែ ។ ប្រធានគណៈកម្មាធិការជាតិភាសាខ្មែរ មានភារកិច្ចកោះប្រជុំដោយកំណត់ប្រធានបទ ទីកន្លែង និងកាលបរិច្ឆេទនៃការប្រជុំតាមការចាំបាច់ ។ អនុសាសន៍ ឬគោលនយោបាយភាសាខ្មែរ ដែលស្នើឡើងក្នុងអង្គប្រជុំរួមនីមួយៗ នឹងត្រូវដាក់ជូនប្រមុខរាជរដ្ឋាភិបាលសម្រាប់ពិចារណា និងចាត់វិធានការអនុវត្តនៅទូទាំងប្រទេស តាមលទ្ធភាពជាក់ស្ដែង ។
មាត្រា ៤.
គណៈកម្មាធិការនេះ មានលេខាធិការដ្ឋានអចិន្ត្រៃយ៍មួយ ដែលមានទីតាំងនៅវិទ្យាស្ថានភាសាជាតិ នៃរាជបណ្ឌិតសភាកម្ពុជា ជាជំនួយការ ។
លេខាធិការដ្ឋាន ជាអង្គភាពបច្ចេកទេសដែលជួយគណៈកម្មាធិការជាតិភាសាខ្មែរ ក្នុងការងារភាសាខ្មែរ ការងាររដ្ឋបាល និងហិរញ្ញកិច្ច ហើយនិងការងារផ្សេងៗទៀតដែលពាក់ព័ន្ធទៅនឹងគណៈកម្មាធិការនេះ ។
សមាសភាព ការរៀបចំ និងការប្រព្រឹត្តទៅនៃលេខាធិការដ្ឋាននេះ ត្រូវកំណត់ដោយសេចក្ដីសម្រេចរបស់ប្រធានគណៈកម្មាធិការជាតិភាសាខ្មែរ ។
មាត្រា ៥.
ថវិកាសម្រាប់ធានាដំណើរការក្នុងលេខាធិការដ្ឋាន និងការប្រជុំនានា ជាថវិកាជាតិតាមគម្រោង ដែលស្នើឡើងដោយគណៈកម្មាធិការជាតិភាសាខ្មែរ តាមរយៈទីស្ដីការគណៈរដ្ឋមន្ត្រី ។
គណៈកម្មាធិការនេះ អាចទទួលជំនួយឧបត្ថម្ភពីសប្បុរសជន ពីអង្គការមិនមែនរដ្ឋាភិបាលជាតិ និងអន្តរជាតិ ហើយនិងពីប្រភពផ្សេងៗ ទៀត ។
មាត្រា ៦.
គណៈកម្មាធិការនេះ អាចបង្កើតក្រុមការងារបច្ចេកស័ព្ទភាសាខ្មែរ និងអនុគណៈកម្មការឯកទេសភាសាខ្មែរផ្សេងៗ ទៀត តាមសេចក្ដីត្រូវការចាំបាច់ ។
មាត្រា ៧.
គណៈកម្មាធិការនេះ មានសិទ្ធិប្រើប្រាស់ត្រារបស់រាជបណ្ឌិតសភាកម្ពុជា ។
មាត្រា ៨.
រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រីក្រសួងអប់រំ យុវជន និងកីឡា រដ្ឋមន្ត្រីក្រសួងវប្បធម៌ និងវិចិត្រសិល្បៈ រដ្ឋមន្ត្រីក្រសួងព័ត៌មាន រដ្ឋមន្ត្រី និងរដ្ឋលេខាធិការ គ្រប់ក្រសួង ស្ថាប័នពាក់ព័ន្ធ និងសមាសភាពគណៈកម្មាធិការ ដូចមានចែងក្នុងមាត្រា ១ ត្រូវអនុវត្តអនុក្រឹត្យនេះ ឲ្យមានប្រសិទ្ធភាពចាប់ពីថ្ងៃចុះហត្ថលេខាតទៅ ។
ធ្វើនៅរាជធានីភ្នំពេញ, ថ្ងៃទី ០៥ ខែ មីនា ឆ្នាំ ២០០៧
នាយករដ្ឋមន្ត្រី
ហ៊ុន សែន
កន្លែងទទួលៈ
- ក្រសួងព្រះបរមរាជវាំង
- អគ្គលេខាធិការដ្ឋានព្រឹទ្ធសភា
- អគ្គលេខាធិការដ្ឋានរដ្ឋសភា
- ខុទ្ទកាល័យសម្ដេចនាយករដ្ឋមន្ត្រី
- អគ្គលេខាធិការរាជរដ្ឋាភិបាល
- ដូចមាត្រា ៨
- រាជកិច្ច
- ឯកសារ - កាលប្បវត្តិ
No comments:
Post a Comment